Íslenskar fornminjar eru leifar úr fortíðinni sem segja okkur frá lífi og menningu fyrri kynslóða. Þær geta verið allt frá rústum bæja og kirkna til grafhauga, steina með áletrunum og minja frá landnámsöld. Margar fornminjar á Íslandi tengjast landnámi norrænna manna á 9. og 10. öld og sýna hvernig fólk lifði, byggði hús sín og nýtti náttúruna. Þjóðminjasafn Íslands og Minjastofnun Íslands vinna að því að varðveita og rannsaka þessar dýrmætu minjar svo framtíðarkynslóðir geti lært af þeim. 

Í Stöðvarfirði fannst nýlega steinn með útskorinni mynd af víkingaskipi. Hann er talinn elsta mynd sem fundist hefur á Íslandi. Steinninn fannst í mjög gömlum skála frá um árið 800, ásamt silfri og glerperlum. Uppgötvunin bendir til þess að menn hafi komið til Íslands fyrr en áður var talið. 

Á Stöng í Þjórsárdal má sjá rústir af fornum bóndabæ sem fór undir ösku þegar Hekla gaus árið 1104. Bærinn var grafinn upp og sýnir vel hvernig Íslendingar bjuggu á þjóðveldisöld. Í dag er Stöng ein af þekktastu fornminjum landsins og vinsæll staður fyrir gesti að skoða.